Արեւմտեան Եւրոպայի Հայրապետական պատուիրակ և

Ամենայն Հայոց Կաթողիկոսի ներկայացուցիչը Վատիկանի մէջ

Խաժակ արքեպիսկոպոս Պարսամեանը ծնած է 1951-ին Թուրքիայի Արաբկիր քաղաքը։ Նախնական կրթութիւնը ստացած է Պոլսոյ Սուրբ Խաչ դպրեվանքին մէջ․ 1967-1971 յաճախած է Երուսաղէմի Սրբոց Հակոբեանց ընծայարանը: 1971 թուականին ձեռամբ Երուսաղէմի պատրիարք Եղիշէ արքեպիսկոպոս Տէրտէրեանի` ձեռնադրուած է կուսակրօն քահանայ, 1973-ին ստացած է վարդապետական աստիճան: Պաշտօնավարած է որպէս Երուսաղէմի ժառանգաւորաց վարժարանի եւ ընծայարանի փոխտեսուչ, այնուհետեւ ուսումը շարունակած է Նիւ Եորքի Ընդհանուր հոգեւոր ճեմարանի մէջ, Մինէապոլիսի Սէյնդ Ճոն համալսարանի մէջ, Հռոմի՝ քահանայապետական Գրիգորեան համալսարանին մէջ և Օքսֆորդի Արեւելեան հիմնարկի մէջ: Դասախօսութիւններով հանդէս եկած է , Իտալիա, Անգլիա, Գերմանիա, Երուսաղէմ եւ Հայաստան: Ուսումնասիրություններ կատարած է Վենետիկի Մխիթարեաններու և Երուսաղէմի Հայոց Պատրիարքութեան գրադարաններու, Երեւանի Մատենադարանի մէջ, միաժամանակ հովուական գործունէութիւն ծաւալելով Պոլսոյ, Եաֆֆայի, Հայֆայի, Ռամլէի եւ ԱՄՆ տարբեր շրջաններու մէջ:

1990 թուականի Մայիսէն մինչեւ 2018 թուականը եղած է Հիւսիսային Ամերիկայի Արեւելեան թեմի առաջնորդը: 1990 թուականին ձեռամբ Վազգէն Ա․ Ամենայն Հայոց Կաթողիկոսի ձեռնադրուած է եպիսկոպոս: 1992 թուականին ստացած է արքության պատիւ:

Խաժակ Արքեպիսկոպոս Պարսամեանը ընդգրկուած է շարք մը կրօնական և բարեսիրական կազմակերպութիւններու ղեկավար մարմիններուն մէջ, մասնաւորապէս «Եկեղեցիներու Ազգային Խորհուրդ», «Եկեղեցիներու Միջազգային Խորհուրդ», «Խղճմտանքի Կոչ», «Կրօնը Ամերիկեան Կյանքի մէջ», «Ազգային տոհմիկ կազմակերպութիւններ», «Ամերիկայի Ս. Գրական Ընկերակցութիւն» կազմակերպութiւններուն մէջ, կը նախագահէ «Հայ Oգնութեան ֆոնդ» բարեգործական կազմակերպութիւնը: Մեծ աւանդ ունի Քրիստոնէական այլ դաւանանքներու հետ բարեկամական կապեր հիւսելու գործով:

2018 թուականին Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսի հայրապետական տնօրինութեամբ Խաժակ արքեպիսկոպոս Պարսամեանը նշանակուած է Արեւմտեան Եւրոպայի Հայրապետական պատուիրակ եւ Ամենայն Հայոց Կաթողիկոսի ներկայացուցիչը Վատիկանի մէջ (նստավայրը` Հռոմ):

Հոգեւոր Գերագոյն Խորհրդի անդամ է, արժանացած է տարբեր երկիրներու գիտական և ուսումնական հաստատութիւններու պարգեւներում, որոնց մէջ 2004 թուականին՝ ՀՀ ԳԱԱ ոսկէ մեդալը: Գեղարուեստի պետական ակադեմիայի պատուաւոր պրոֆեսոր է: