Ծնած է Բեյրութ, Լիբանան։ Նախնական ուսումը ստացած է Բեյրութի մէջ, այնուհետեւ, Լիբանանի պատերազմի տարիներուն տեղափոխուած է Սովետական Հայաստան՝ բարձրագոյն կրթութիւնը շարունակելու Երեւանի Մխիթար Հերացու անուան պետական բժշկական համալսարանին մէջ։ Ու այդ օրէն հայրենիքէն եթէ հեռացած է, ապա միայն ժամանակաւոր։

Մասնագիտութեամբ բժշկուհի է՝ մանկաբարձ-գինեկոլոգ։ Մասնագիտական փորձէն բացի աշխատած է նաեւ բժշկական կառավարումի ոլորտին մէջ։

2013 թուականէն Ֆրանսական Սանոֆի ընկերութեան հետ կ՛աշխատի որպէս Հոգեկան առողջութեան վերաբերեալ վերապատրաստման ծրագիրի ղեկավար։

Հիմնադրման օրէն Աստուածամօր տուն հիմնադրամի տնօրէնն է։

Առանձնայատուկ սէր ունի դասական կատարողական արուեստին նկատմամբ։

Բազմաթիվ թարգմանութիւններու, գիտական յօդուածներու եւ աշխատասիրութիւններու հեղինակ եւ համահեղինակ։ Հեղինակ է նաեւ 3 գիրքերու։

Կը հաւատայ, որ մարդն անկախ դաւանանքէն, առանց հաւատքի չի կրնար խաղաղ եւ երջանիկ ապրիլ։ Հոգեւոր եւ բարոյական արժէքներն ալ ամէն բանէ վեր կը  դասէ։