Յարութ Պաղամեան ծնած է 24 Նոյեմբեր 1981ին Երուսաղէմի Հայկական թաղամասին

մէջ ուր մինչ օրս կը բնակի։ Նախնական ուսումը ստացած է Երուսաղէմի Սրբոց Թարգմանչաց Երկրորդական Վարժանէն ներս։ 2003-2008 հետեւած է Երուսաղէմի Եբրայական Համալսարանի միջազգային յարաբերութիւններու և ընկերաբանութեան

ամպիոններու դասընթացքներուն: 2017-2019 ստացած է մակիստրոսի տիտղոս Եբրայական Համալսարանի միջազգային իրաւաբանութեան ամպիոնէն: 2008-2017 եղած է Երուսաղէմի Ս.Թ.Վարժարանի տնօրինութեան անդամ, մշակութային ծրագիրներու պատասխանատու և հայոց պատմութեան և աշխարհագրութեան ուսուցիչ: Այժմ, Եբրայական Համալսարանի ռէքթօրի օգնականն է: Ան երիտասարդ տարիքէ եղած է մշակութային և ազգային գործիչ Երուսաղէմի գաղութին մէջ և վարած զանազան պաշտօններ: Այժմ ան Հ.Մ.Ը.Մ. Երուսաղէմի ինչպէս նաեւ Երուսաղէմի Հայ Պատրիարքի Ամեն. Տ. Նուրհան Արքեպս. Մանուկեանի կողմէ վերջերս ստեղծուած «Արմատներ» Յանձնախումբի ատենապետն է: