ՀԱՒԱՏՔ ԵՎ ԳՈՐԾՔ ՀԱՄԱԺՈՂՈՎ

7-8 ՓԵՏՐՈՒԱՐ 2020

ՍՈՒՐԲ ՂԱԶԱՐ ԿՂԶԻ

ՎԵՆԵՏԻԿ- ԻՏԱԼԻԱ

 

ՄԱՄՈՒԼԻ ՀԱՂՈՐԴԱԳՐՈՒԹԻՒՆ

 

 

Հաւատք առանց գործոց մեռեալ են

(Յակոբոս առաքեալի նամակը, Բ, 26)

2020թ. Փետրուարի 7-ին եւ 8-ին Վենետիկում տեղի կ՛ունենայ «Հաւատք եւ Գործք» խորագրով  համաժողով-հանդիպումը՝ Մխիթարեան Միաբանութեան եւ Հայ Առաքելական Եկեղեցու Արեւմտեան Եւրոպայի Հայրապետական Պատվիրակութեան հովանու ներքոյ։ Համաժողովը նախաձեռնել եւ կազմակերպում է «Աստուածամօր տուն» հիմնադրամը (Երեւան)։

Ժամանակակից աշխարհում, հավատն արտայայտելը եւ հաւատով կենցաղավարելը թուում է գրեթէ անհնար մարտահրաւէր։ Այս համաժողովի նպատակն է ձեւաւորել գաղափարների մի խաչմերուկ, ուր համապարփակ քննարկումների միջոցով հասարակութեանը ներկայացնել հաւատն ապրելու եւ ամրապնդելու նոր տեսլական։

Նախագիծը ստացել է «Հաւատք եւ Գործք» անուանումը, որովհետեւ հավատը իւրաքանչիւր անհատի կեանքում զօրանում եւ սնւում է աղօթքով եւ շօշափելի դառնում գործի միջոցով։ Քննարկումների վայր է առաջարկուել Մխիթարեան Միաբանութեան Վենետիկի Ս․ Ղազար Մայրավանքը՝ նկատի ունենալով վերջինիս «հաւատք-գործք» հասկացութեան՝ հանրութեանը փոխանցած դարավոր աւանդը եւ այսօր եւս այդ աւանդը շարունակելի եւ կիրառելի դարձնելու կարեւորութիւնը։

Համաժողովին կը մասնակցեն տարբեր ոլորտի ներկայացուցիչներ, այդ թուում՝ հոգեւորականներ, մտաւորականներ, գործարարներ, ինչպէս նաեւ, հասարակական եւ բարեգործական կազմակերպութիւնների ներկայացուցիչներ, որոնք սեփական փորձից վկայութիւններ կը բերեն արծարծուող հարցերի շուրջ ։

Քննարկումները կ՛ուղեկցուեն թեմատիկ 4 նիստերով, որոնցից իւրաքանչիւրը կ՛ունենայ իր համակարգողը, ով համապատասխան թեման ներկայացնելիս ակտիւօրէն կը ներգրաւի հանդիպման այլ մասնակիցներին: Դիտարկւում է, որ Վենետիկեան համաժողովը կրի ամենամեայ բնոյթ։