Րոբերթա էրուինը Կոլոմպիա համալսարանէն ներս իր դոկտորայական ուսումը ստանալու զուգահեռ աշակերտեցաւ լուսահոգի Նորայր Արք. Պողարեանի, տեսուչ Սրբոց Յակոբեանց վանքի ձեռագրատան։ Բազմաթիւ տարիներ անցուց երուսաղէմի հայոց համայնքէն ներս իբրեւ ուսուցիչ Սրբոց Թարգմանչաց վարժարանի, Երուսաղէմի Եբրայական Համալսարանի եւ այլ հաստատութիւններու: Վերադառնալով ԱՄՆ, 2001 թուին ուսուցչական կազմի անդամ նշանակուեցաւ Նիւ Եորքի Սուրբ Ներսէս ընծայարանի, ուր  կը շարունակէ պաշտօնավարել մինչեւ օրս, ուսուցանելով հայաստանեայց եկեղեցւոյ պատմութեան եւ հայրաբանութեան վերաբերեալ նիւթեր: