Ռուբեն վարդապետ Զարգարյան

Ծնվել է 1979թ. դեկտեմբերի 5-ին ՀՀ Կոտայքի մարզի Հրազդան քաղաքում:

1986-1993թթ. սովորել է Հրազդանի թիվ 11 միջնակարգ դպրոցում:

1993-1996թթ. միջնակարգ կրթությունը շարունակել է Արմավիրի մարզի Առատաշեն գյուղի դպրոցում:

1996-2001թթ. ուսանել է Սևանի Վազգենյան Հոգևոր դպրանոցում:

2001-2002թթ. կրթությունը շարունակել է Սուրբ Էջմիածնի Գևորգյան Հոգևոր ճեմարանում:

2001թ դեկտեմբերի 25-ին` Սուրբ Ստեփանոս Նախավկայի տոնին, Երևանի Սուրբ Գրիգոր Լուսավորիչ Մայր եկեղեցում ձեռնադրվել է սարկավագ` ձեռամբ Գերաշնորհ Տ. Միքայել եպիսկոպոս Աջապահյանի:

2002թ. հուլիսի 1-ից աշխատանքի է անցել Մայր Աթոռ Սուրբ Էջմիածնի Տեղեկատվական համակարգում` որպես գործավար քարտուղար, իսկ նույն թվականի դեկտեմբերի 1-ից` Մայր Աթոռի «Գարեգին Ա» հայագիտական-աստվածաբանական կենտրոնում:

2004-2006թթ. ծառայության է անցել ՀՀ Զինված Ուժերում` որպես հոգևոր սպասավոր:

2004թ. փետրվարի 3-ին` Սուրբ Վարդանանց տոնին, Սուրբ Էջմիածնի Մայր Տաճարում, ձեռամբ Գերաշնորհ Տ. Միքայել եպիսկոպոս Աջապահյանի, ձեռնադրվել է կուսակրոն քահանա:

2006-2009թթ. սովորել է Հռոմի Գրիգորյան պապական համալսարանի մագիստրատուրայում` սուրբգրային աստվածաբանության (teologia biblica) ֆակուլտետում:

2010-2011թթ. սովորել է Եվրոպական խորհուրդի քաղաքական դասընթացների երևանյան դպրոցում:

2009-2011թթ. աշխատել է Մայր Աթոռ Սուրբ Էջմիածնի Հրատարակչական բաժնում` որպես աստվածաշնչագիտության ենթաբաժնի տնօրեն:

2011թ. հունվարի 1-ից ծառայության է կոչված ՀՀ բանտային ոլորտում` որպես ՀՀ քրեակատարողական հիմնարկների և պրոբացիայի հոգևոր ծառայության պատասխանատու:

2015թ. պաշտպանել է վարդապետական թեզ՝ «Հիսուս Մարկոսի ավետարանում» թեմայով և ստացել վարդապետական մասնավոր աստիճան:

2011-2018թ. «Շողակաթ» հեռուստաընկերության եթերում վարել է «Օր 6-րդ» հաղորդաշարը:

2018թ.-ից «Շողակաթ» հեռուստաընկերության եթերում վարում է «Համատես ավետարաններ» հոգևոր հաղորդաշարը:

Դասավանդում է Սևանի Վազգենյան Դպրանոցում («Նոր Կտակարանի ներածություն») և Սուրբ Էջմիածնի Գևորգյան Աստվածաբանական Համալսարանում («Նոր Կտակարանի մեկնություն»):

Հեղինակ է մի շարք աստվածաշնչագիտական ուսումնասիրությունների ու հոդվածների: